ہم سا بھی ہو گا نہ جہاں میں کوئ ناداں جاناں
بے رخی کو بھی جو سمجھے تیرا احساں جاناں

جب بھی کرتی ہے میرے دل کو پریشاں دنیا
یاد آتی ہے تیری زلف پریشاں جاناں

میں تیری پہلی نظر کو نہیی بھولا اب تک
آج بھی دل میں ہے پیوست وە پیکاں جاناں

مجھ سے باندھے تھے بنا کر جو ستاروں کو گواە
کر دیے تو نے فراموش وە پیماں جاناں

کبھی آتے ہوۓ دیکھوں تجھے اپنے گھر میں
کاش پورا ہو میرے دل کا یہ ارماں جاناں

اک مسافر کو تیرے شہر میں موت آئ ہے
شہر سے دور نہیی گور غریباں جاناں

یہ تیرا حسن یہ بے خود سی ادائیں تیری
کون رە سکتا ہے ایسے میں مسلماں جاناں

کیوں تجھے ٹوٹ کے چاہے نہ خدائ ساری
کون ہے تیرے سوا یوسف دوراں جاناں؟

جاں بلب، خاک بسر، آە بہ دل خانہ بدوش
مجھ سا کوئ بھی نہ ہو بے سر و ساماں جاناں

یہ تو پوچھ اس سے جس پر یہ بلا گزری ہے
کیا خبر تجھ کو کہ کیا ہے شب ہجراں جاناں؟

یہ وە نسبت ہے جو ٹوٹی ہے نہ ٹوٹے گی کبھی
میں تیرا خاک نشیں، تو میرا سلطاں جاناں

وە تو اک تمہارا تھا کہ آڑے آیا
ورنہ دھر لیتی مجھے گردش دوراں جاناں

کیا تماشا ہو کہ خاماش کھڑی ہو دنیا
میں چلوں حشر میں کہتے ہوۓ جاناں جاناں

در پہ حاضر ہے تیرے آج نصیرعاصی
تیرا مجرم تیرا شرمندە احساں جاناں

کلام الشیخ پیر نصیر الدین نصیرجیلانی رحمتہ اللہ علیہ گولڑہ شریف
.اپ کی دعاؤں کاطالب سید شاہد محی الدین بخاری
حضرت شیخ سید نصیر الدین نصیر جیلانی رحمتہ اللہ علیہ
اور دیوان صاحب عرس پاک پتن شریف رسم سماء عرس 2007
کلام پیر نصیر الدین نصیر جیلانی رحمتہ اللہ علیہ