من جديد أهلاً بحضراتكو .. من جديد أزمة مياه النيل وسد النهضة الأثيوبي بترجع تاني ، لكن المرة دي وسط غياب لأي تحرك مصري.. إثيوبيا انهارده بدات تحويل مجري النيل الأزرق أحد روافد نهر النيل.. وده عشان يبنوا السد وبعد كده يرجعوا النيل الأزرق لمجراه الطبيعي ويمر من خلال سد النهضة.. الغريب بقا فى الموضوع ده ، هو إن قرار البدء فى تغير مسار النيل الأزرق جه بعد زيارة الرئيس مرسي لأثيوبيا بيوم واحد، وبعد ما سمعنا عن اتفاق مصري أثيوبي والتنسيق بينهم فى القضية دى، وشكلوا لجنة ثلاثية بتضم أعضاء من مصر واثيوبيا والسودان، وكان المفروض أن اللجنة دى هتعمل تقرير بنهاية الشهر الجاري، لكن أثيوبيا أخدت القرار المفاجئ وبدأت التنفيذ من مشاورات ومن غير ما تنتظر نتائج التقرير....
تساؤلات كتير مطروحة على ضيفنا الكريم د. مصطفي الجندي منسق الدبلوماسية الشعبية وأحد أهم رجال الأعمال المصريين فى قارة أفريقيا، فى الأستديو..